ياما تحت السواهي دواهي

انا فتاة عمري21 سنة اسمي مها
حبيت ولد عمي ماجد هو الحين عمره 33سنة
حبيته من كنت في اول ثانوي يعني بدينا نحب بعض من كان عمري16سنة
طبعا محد يعرف علاقتنا الا بنت عمي ساره مواخته لأنه ما عنده اخوان
استمريت احبه خمس سنوات
ماجد في قمة الادب والذوق معي ومع غيري يعني لو ساره تقول لاي احد من عيال عمي اني احب ماجد محد راح يصدقها لانه هادئ ومستحيل احد يصدقها
حنا كنا عايشين في بيت واحد بيت جدي من فتحت عيوني على الدنيا
لما توفى جدي كان وقتها عمري19 سنة
وبعدها كل واحد من عمامي استقر في بيت لحاله وتفرقنا بس ماتركنا بعض
بس لما كنا بيت جدي صايرين عايله وحده يعني مافي احد يتغطى عن احد واذا بنطلع او نتمشى مانطلع الا مجموعات البنات والاولاد مع بعض ضحك وووناسة يعني مافي قيود
الحين نتجمع بيت جدي يوم الخميس بس مو مثل اول
ماجد كان الشخص القريب لقلبي وكنت احبه بكل مافيني طبعا يجي بيتنا حاله حال اي احد من عيال عمي اتكلم معهم واسولف واضحك
بس هو غير كنت استحي منه شوي مو كثير>> ههههه<< ( يمكن لاني كنت احبه )
كان رومنسي معي بس في نفس الوقت كان قمة الادب والذوق
ماجد جميل بقوه ... من اجمل عيال عمي وسبورت كل بنت تتمناه
هذاا واقع ولا امدحه لانه ولد عمي ولا لاني أحبه
كان يكلمني بالجوال كل يوم بالليل ماكنت امل منه
خلص دراسته بالجامعه
واشتغل بالاتصالات بس ما اعجبته الشغله وقرر يكمل دراسته في مصر
يدرس تربية خاصه وقال لابوه ووافق لانه ولده الوحيد وكان مدلعه ولا يرد له طلب
وجهز ماجد اوراقه وسافر الى مصر وكان يدق علي كالعاده كل يوم
وكنت اشوفه بالمسن يعني كأنه موجود ولما صارت أجازته رجع للسعودية وجاب لي هدايا
((انا من النوع اللي مايقبل هدايا))
كان دايم يتهاوش معي على هذا الموضوع بس انا كنت احترم هذه الصفه فيني وكنت اقوله بس هو يعصب علي وش سوى ماجد ؟؟؟
جاب هدايا لامي وخواتي وجاب لي هديه وقال لامي اعطيها مها
ولا تقولين لها مني لاني عارف ماراح تاخذهم
امي خذت الهدايا واعطتني انا استغربت ان امي اشترت لي هدايا هالكثر
هي صحيح تهديني بس في المناسبات
الهديه مكونه من صندوق كبير مره ومغلف
وجواه دبدوب كبير وورد احمر مجفف غي البلايز والاكسسوارات وغير العقد اللي مكتوب عليه اسمي في كل خرزه وادوات تجميل وعدسات ... الخ
علشان كذا انا استغربت حاجات كثيره كنت احبها
قلت لأمي وشو المناسبه قالت لي بس كذا والا ماتبينهم ؟؟
قلت لا ... اكيد ابيهم ... وضميت امي وقمت ابوسها وانا طايره من الفرح
بس كنت شاكه في السالفه واللي خلاني افرح اكثر حبيبي جاي من السفر وصار قريب مني بما انه يكلمني كل يوم بس شعور غيررر
ماجد علشان يشيل الشك مني جاب في يده دبدوب صغير وعطاني انا انحرجت لما قال لي اذا ما بتاخذينه ارميه بالشارع بس لا تحرجيني انا اخذته منه صار كل يوم يجي بيتنا
اجازته اسبوع وراح يرجع بس هالمره بيطول ماراح يرجع الا بعد الامتحانات
وآخر ليله جا بيتنا وجلس الى الساعه خمس الفجر وطيارته الساعه سبع الصباح ، سهرت معه ضحك وسوالف خواني كلهم ناموا علشان دواماتهم
ولما جا الفجر خلاص بيروح ودعته وقمت ابكي ، ماجد وعدني انه اذا رجع بيخطبني
انا عمري الحين 21سنة هو وعدني انه يخطبني هذه المره واذا رجع نملك بس ابوه كان تعبان
سافر ماجدولما وصل كلمني كالعاده
خلص دراسته والامتحانات ورجع بس ينتظر النتيجه
طبعا العايله كانت فرحانه برجوعه حفلات وعزايم ومن هالكلام اما انا فرحتي ما تنوصف
رجع ماجد أول مره يغيب مثل هالفتره
اول ماشفته ضميته بقوه بقوه من غير ما احس وما قلت له الحمد لله على السلامه
هو استغرب مني وضمني وباسني في خدي بعدت عنه وانا منحرجه
وصعدت غرفتي جلست وانا مو مصدقه اني سويت كذا
لما رجع البيت قعد يدق علي بس انا ما رديت لاني جد منحرجه منه مدري وش اقوله
ارسلت له رساله اعتذر فيها عن اللي صار هو رد علي برساله يقول ماراح اقبل عذرك الا اذا رديتي
بعدها رديت واول ما قلت الو هو قعد يضحك ... يضحك ... يضحك
وقال ما توقعتك تسوين كذا
وانا قمت ابكي وهو يضحك وانا اقوله وربي موقصدي بس لأني فرحانه ومومصدقه انك رجعت وهو مستمر في الضحك
انا عصبت قلت له انا اعتذر لك وانت تضحك قال انا فرحان ومو مصدق ..قال انا احبـــــــــــــــــك وامووووت فيك قلت له حتى انت ما توقعتك تسوي كذا..قال كيفي حبيبتي وراح تكون زوجتي
انا انحرجت وقفلت في وجهه ومانمت طول الليل
اليوم الثاني واللي بعده اشتغلت العزايم بمناسبة رجوعه وظلينا اسبوع كامل كل يوم عزيمه
وطول هالاسبوع ما كلمته وهو مايدق الا قليل
وبعدها صرت ارسل له يرد يقول انه مشغول وبعض الاوقات يدق بس ما يطول
يقول باله مشغول بالنتيجه بعد اسبوعين تقريبا
ارسلو له ان النتايج طلعت قرر يسافر علشان ياخذ نتيجته وبيرجع
بس قال ماراح ارجع بسرعه بقعد هناك شهر
انا عصبت عليه قلت له ليه تطول اخذ النتيجه وارجع قال لا آخر مره اروح مصر مره ثانيه هذه آخر مره بحياتي وسافر وقلت اتصالاته مو مثل اول
وفي يوم من الايام وهو هناك دق عمي ابو ماجد على ابوي وعلى عمامي الباقي وجمعنا كلنا في بيته قال لهم في مو ضوع مهم ابيكم تتجمعون
طبعا الكل جالس على اعصابه وعنده فضول يبي يعرف وشو السالفه
عمامي وابوي يقولون لعمي وش السالفه قول خوفتنا
قال عمي بو ماجد وهو مقهور ومعصب في نفس الوقت فشلني وسو وجهي مدري وين اروح مدري وش اسوي
قالو له منو ذا قال ماجد..قالو وش فيه ماجد
طبعا انتو لاحظوان عيال عمي وخواني عددهم 13ولد و8بنات والكل ساكت ومتحمس يعرف الخبر
قال عمي ماجد تعرف على وحده وهي حامل منه وارفعت عليه قضيه علشان يتزجها
تخيلتو الهدوء اكيد صح ....................
اناشهقت شهقه خلت عيال عمي كلهم يعرفون اني احبه وقلت مستحيل
كل عيال عمي قاموا يطالعوني
عمي ابو ماجد قال لي اي يا بنتي شفتي ماجد فشلني
بعدها عيال عمي قعدو يقولون هااا( مهوي )
اجل تحبينه واللي يقول من متى ؟ واللي يتريق يقول هذه الدنيا ... واللي.. واللي....
انا في نفس اليوم تعبت....
المهم قررو عمامي انهم يسافرون ويعقدون عليها.
بس سبحان الله البيبي توفى في بطن امه وطلقها ورجعو بسرعه ماطولو اقل من شهر
رجع ماجدوجاني يعتذر عن الللي صارلا وجايب لي هديه بعد له عين
ويقول مو قصدي وانه راح يخطبني انا وقتها تعبانه وقمت اصارخ عليه واسبه وانا مو في وعيي
قلت له :انقلع وخذ هديتك معك مابي شي منك
قال: يعني هذه اللي ماتبينها قلت له لا ولاابي اشوفك قال وشمعنى هذه الهديه ماتبينها واللي قبل تاخذينهم اقرب مثال العقد اللي برقبتك
انا استغربت قلت :اي قبل واي عقد برقبتي هذا من امي
قال: لا ياحبيبتي
وقال لي :السالفه وقمت اخذت الهدايا انا تعبانه اقوم واطيح وانا اجمع الاغراض وهو يحاول يمسكني بس انا ابعده
وقلت له: ماتوقعتك كذا واللي قاهرني ماكان باين عليك انت اعقل واحد في عيال عمي وتسوي كذا
لا وتقول تحبني انت كذاب وخاين ماجد يقول لا مها لا تقولين كذا
انا قلت له: ماجد خلاص بس اللي بيننا انتهى وانا اقوله هالكلام قلبي يتقطع
تركته بس مو بسهوله اخذت وقت لكن هالوقت كله كنت تعبانه
ماجد مازال كان يدق علي طبعا انا ماكنت ارد هذا االشي اللي خلاني ما اقدر انساه بسهوله

(حبيت اقول لكم ان مو كل من سوى حاله مؤدب وهادئ وعاقل انه جد مؤدب .....ياماتحت السواهي دواهي)

[b]

ااااااه ياماجد ليش الخيانه !!!!


مشكووووووووور اخوووووي حموووود



تقبلووووو مرووووووري



عااااااااطل شبرااااا